امته اصحى من كابوسى

هل اتا احلم
هل هو كابوس
ما لهذه الايام ثقيلة
كانها دهر بل دهور
هل اصبح الليل سرمدى غول يبلع كل امل فى طلوع النهار
ولكن كيف احلم وانا فى يقظتى
هل انا فى حالة استرخاء اقلب فيها ايام عمرى ااااااااااه
توالت السنوات وانفرط العمر كالعقد الذى فقد بريقه حبة بعد حبة
فى كل اتحاه كالماء الذى انسكب فى وسط رمال تلهث من الثرى
هل هى النهاية التى لا يملك المرء الا الاستسلام لها
انظر كانى ارى طفولتى
ما هذا العالم هل عادت السنوات للوراء
الناس كلهم حيوية ونشاط
ما هذه الشوارع النظيفة السيارات تتبع تعليمات المرور
لا ضجيج لا صياح لا صوت لالات التنبيه ارى الخضرة فى كل مكان
نعم هذا عمى ربيع البقال رغيف الخبز ب 5مليمات
الحلاوة الطحينية 8 قروش الارز ب 4 قروش البيضة ب 5 مليمات
تذكرة الاتوبيس ب 10 مليمات للدرجة الاولى و5 مليمات للثانية
تعم والجريدة ب 15 مليم والبطاطس ب10 مليمات
لا لا ولما هذا الاسراف ساذهب الى الغيط لاحضار الطماطم والملوخية والباميا
وكل الخضار بلا مقابل فنحن لدينا ارض نزرعها العب فى الغيط
تحت اشجار التوت وسط الزراعات من الذرة والقمح والشعير
والبرسيم والقطن ولا انسى اللفت فى وسط زراعات البرسيم والخس
الان اسبطيع ان اعود الى البيت باى شىء تحتاجه امى
ولكن ماذا تحتاج امى كل شىء فى البيت الفراخ الحمام البيض الجبنة
ولكن لا بد ان اعود باى شىء
يا عم سعد انا مروح عمى سعد هو الذى كان يعمل فى الغيط عندنا
يسالنى انت مروح اقول نعم لا تمشى حتى احضر لك شوية ملوخية وبامية وطماطم
لان الحاج والدك ووالدتك بيحبوها
اعود الى البيت وانا فى غاية السرور
زحف العمر حتى جاء سن المدرسة مدرستى هى مدرسة الزهراء
التحقت بالمدرسة ما هذا العالم الجديد مدرسين ومدرسات وطلاب
ودروس وعلوم بس المدرسة كانت انيقة وجميلة
انا فاكر اول درس حساب برتقالة+برتقالى يساوى كام
واول درس عربى الثعلب المكار والدجاجة
ومضى العمر يجرى بسرعة من الاعدادى الى الثانوى الى الجامعة
هذا العالم الساحرالذى يحلم به كل الشباب والفتيات
الاحلام والمستقبل والرومانسية والحب ام كلثوه وعبدالوهاب وعبدالحليم ونجاة
وفجاة بيان لقد اعتدت اسرائيل على مصروانسحاب مصر لغرب القناة
ولكن بروح الشباب لا صوت يعلو على صوت المعركة
حنحارب حنحارب النار ولا العار
النكسة مدوية والالم قاسى مش مهم لازم نضحى علشان مصر
بس الحقيقة تقال الاسعار زى ما هيه وكل حاجة متغيرتش
ناقص نشيل التراب اللى عفر الوش والدنيا تبقى زى الاول واحسن
فجاة بيان فى الراديو بصوت انور السادات
ودعت مصر اليوم رجل من اغلى الرحال رجل من اعز الرجال
ابنها البار جمال عبد الناصر مات جمال عبدالناصر
صدمة تانى دانا لسه عودى صغير اخضر ما يستحملش كل
ده هزيمة ونكسة وموت جمال عبد الناصرما باليد حيله ده قدر
بس انا شايف الشمس بتغرب هو النهار قرب يخلص
عادى الدنيا كده يخلص نهار ويجى نهار
قاعد انا قدام البيت لقيت الراجل بتاع البوسته معاه جواب
وبينادى فلان الفلانى رديت نعم انا قال لى لك جواب
طلب للتجنيدياااااااااااه حروح الجيش اللاااااااااااه بدا الكلام الجد
دخلت الجيش ما فيس وقت اندمجت تجهيزات تدريبات استعدادات
من كل لون اختلط الدم بالعرق معلش كله يهون علشان مصر
هو ده كان شعور كل مقاتل فى جيش مصر
العمر رخيص والاهل والبيت الاحلام اى حاجه فدى مصر
وفى اليوم الموعودبدات حرب التحرير حرب العزة والشرف خدنا تارنا
وحررنا ارضنا ورجعنا ارضنا كل شبر منها
دى مصر الكنانة المقدسة الطاهرة
وخرجنا من الجيش بس فيه حاجات اتغيرت كتير
الشوارع بقت زحمة شوية وصوت الكلكسات عالية شوية
معلش الانفتاح الاسعار عليت شوية معلش حركة السوق والتعاملات
بس للامانة كل حاجة موجودة وبوفرة النشاط زاد حركة بناء وتعمير
ومصانع ورفع مرتبات وتلفزيونات ملونة وحاحات حلوة كتير
سلام بقى وراحت ايام الحروب يعنى حنعيش ايامنا بقى
وفجاة فى العرض العسكرى اغتيل السادات
لا حول ولا قوة الا بالله
صدمة جديدة تانى معلش نتحمل ما هى روح اكتوبر موجودة
والبركة فى جيل الشباب جيل اكتوبر
وجه حسنى مبارك رئيس للجمهوريةالحمد لله الدنيا حلوة
والارض محررة البترول بيكتشفوه فى كل مكان
قناة السويس شغالة والسياحة منتعشة بس لسه شوية
نربط الحزام اللى جاى احسن نشد الحزام علشان الرخاء
لازم نجارى النظام العالمى الجديد علشان نواكب العصر
لازم نخصخص الشركات علشان يزيد الانتاج
نبيع القطاع العام ونرفع الدعم علشان نحرر التجارة
القروض لرجال الاعمال علشان تزيد التنمية
لسة تانى ضريبة المبيعات ضريبة التركات ضريبة العقارات
انا خايف ندفع ضريبة للهواء ما هو فيه ضريبة للميه وضريبة للكهربا
اللوءات فى كل المصالح ناقص حاجة واحدة
طابور الصباح فى كل مصلحة وانتباه وصفا وتقدم التمام
هى الدنيا جرى فيها ايه الناس اتغيرت
العربيات بتجرى ليه فين النظام الكاست عالى قوى
الحق خناقة على الشارع اطلب النجدة
االضابط هو فيه حد مات لا خلاص
يااااااااااه ناس بتدور على اكل فى صناديق الزبالة عادى
استنى د بيهدوا بيت علشان مبنى بدون ترخيص
بجد ما هو اللى جانبه مبنى من غير ترخيص
ليه مش بيهدوه انت عارف ليه
لان الجنيه سيق الكرنيه بتقول ايه
يا عم عاوز تنجز هات الونجز
خلاص خلاص عرفنا يااااااااه هى مصر راحت فين
اسمع اسمع خبر هام
ضرب مصر زلزال يقوة 6 يمقياس ريختر والخسائر
فى البيوت والارواح عالية تانى هو الجبل يتاعنا ناقص ضرب
سيول جارفة تجتاح مصر وتشريد الالاف
سقوط عمارة فى مصر الجديدة
سقوط عمارة فى الاسكندرية
بيان من الحاكم العسكرى بوقف البناء
نشوب حريق يدمر قرى الشرقية **كفاية
حريق يلتهم دار الاوبرابس **كفاية
اصتدام قطارين فى القليوبية **كفاية
خروج قطار عن القضيب واصابة المئات*** خلاص يا ناس
لسه **غرق العبارة السلام وعلى متنها 1300 راكب **ارجوكم كفاية
احتكار احمد عز لحديد التسليح وسعر الطن يصل ل8500 جنيه
حريق مبنى مجلس الشورى ***كفاية كفاية حريق المسرح القومى
حد يخلصنى واقعد بينى وبين نفسى ولسان حالى يقول
امته حبنى بيت لابنى* امته حلاقى وظيفة لابنى
وازعق باعلى صوتى واقول انا حاسس بغربه
انا حاسس بخنقة حد يرجع لى مصر * مصر مصر انتى فين يا مصر
حد يصحينى حد يقوقنى حد يخلصنى من الكابوس
ممكن ممكن